زوجة حسن شاكوش تتهم شقيقه بالتعدي على والدتها – فيديو

اتهمت ريم طارق، زوجة المطرب ،حسن شاكوش، شقيق زوجها بالتعدي على والدتها أثناء زيارة قامت بها لوالدة حسن شاكوش.

وأكدت ريم طارق في مداخلة هاتفية في أحد البرامج أن هذه الأزمة أثرت عليها بشكل سلبي، وقالت “أمي كانت عند أم حسن شاكوش بتشتكي لها إنه خلى سمعتي وسمعة بناتها زي اللحمة في السوق، وطلع أخوه تهجم على أمي، والناس كلها اتلمت لإن كل أقاربنا في بولاق”.

وأضافت “حسن وقف يصور من فوق، وهما بيشتموا والناس تحت بتشتم، هو ده اللي حصل في الفيديو، والموضوع كان من شهر ونص تقريبا”.

ورداً على سؤال هل تسعى لإبتزاز حسن شاكوش للحصول على نفقة 2 مليون جنيهاً بالإضافة إلى تمكينها من شقة الزوجية، قالت ريم طارق “التمكين صح، لكن أنا مش محتاجة منه 2 مليون جنيه، كل اللي محتاجاه منه يعتذر ويقول أنا فضحتها وفضحت أهلها، بدل ما يخلي الناس تعمل حسابات مزيفة وتتكلم عني”.