تصدرت الإعلامية المصرية، سالي عبد السلام، “التريند” بعد انهيارها بالبكاء خلال برنامجها “قصة حقيقية”، الذي يعرض على شاشة التلفزيون المصري، وحديثها عن الحالة السيئة التي تمر منها، بعد إلغاء حفل زفافها.
وقالت سالي عبد السلام عند تطرقها لتفاصيل انفصالها عن خطيبها وإلغاء حفل الزفاف: “أغلب اللى بنعرفهم مبقوش رجالة.. أنا جيت معظم الحلقات وأنا معيطة، ومش مكسوفة إني أقول كده، أهلي بيستنوا مني إني أكون قوية، لكن اللي حصل المرة دي إني مضايقة قوي، مش هقول إن اختياراتي غلط، لأني مش بختار أصلا، أنا ممكن ألاقيني داخلة في قصة وأنا مخترتش عادي، أنه شخص مناسب، أنا بختار السكينة والمودة والرحمة، مش زي ما الناس بيقولوا إني مش عاجبني العجب بسمعها كتير”.
وأضافت: “أيوه كنت باجي التصوير كتير جدا معيطة وبالذات الشهر ده، عشان كنت ممنية نفسي إني هيتكتب كتابي وأتجوز، بس الموضوع ممشيش ومحصلش نصيب، لأن أغلبية اللي بنعرفهم مبقوش قد المسؤولية ومبقوش رجالة ومبقوش يستاهلوا، مذيع الاجتماع برضوا ملهوش حصانة إنه يحكى ويتكلم”.
وتابعت قائلة: “الحمد لله يا رب، يمكن أخذت مني حاجات كتير أوي بعد ما كنت منيت نفسي ومتوقعتش أنها هتتاخد مني وفي الوقت ده، الفترة دي كل ما أكلم حد أعيط ويصعب عليّا نفسي، بس أنت عوضتني يا الله”.