أكدت النجمة المصرية، شيرين عبد الوهاب تخوفها من رد فعل ابنتيها، بعد إقدامها على قص شعرها إثر انفصالها عن زوجها الفنان، حسام حبيب، خلال حلولها ضيفة حلقة استثنائية من برنامج “صاحبة السعادة”، الذي تقدمه الفنانة القديرة، إسعاد يونس على قناة Dmc المصرية، احتفالا برأس السنة.
وصرحت شيرين عبد الوهاب قائلة: “أول حاجة كنت خايفة منها قبل ما اطلع هي البنات وإنهم يتعقدوا ويقولوا إيه ده.. بس طلعوا عيال مكحرتين وبيفهموا ويقدّروا وأكيد مش هيقلدوا ومش عايزين حد يقلد ده”.
ونصحت المتحدثة ذاتها النساء بعدم القيام بنفس الخطوة قائلة: “أنا بقول أهو محدش يعمل كده.. دي وراثة أنا أبويا كده.. فمش كل ما واحدة تتخانق مع جوزها تروح تحلق شعرها وتقول له أصل بقلد شيرين!”.
وأضافت شيرين خلال حوارها مع الفنانة، إسعاد يونس: “كنت مرعوبة قبل أول حفل لي في الإمارات من رد فعل الجمهور على شكلي الجديد، بقيت أبص في عيون الناس مشوفتش حاجة هما منبهرين بيها غيري أنا، مش بشكلي، بسّطوا الموقف عليّ أوي”.
وكشفت الفنانة المصرية أنها تلقت اتصالا من محاربات السرطان لشكرها على قص شعرها باعتباره واحدا من وسائل دعمهن، وقالت: “بعد المكالمة دي قلت لنفسي أنا معنديش حاجة خالص مقارنة بالألم العظيم للمحاربات”.