هاجمت الإعلامية المصرية، دعاء فاروق، منتقدي الطفلة ذات الأربع سنوات، والتي تعرضت للتحرش من طرف رجل في مدخل عمارة لترصده عدسات كاميرا المراقبة.
ونشرت دعاء فاروق تدوينة عبر صفحتها الشخصية بموقع التواصل الاجتماعي “فيسبوك”: “إيه كم الناس اللي معلقين على البنت أنها مشيت ورا الراجل بمزاجها وهو ما أجبرهاش معلش أنا مش هتعصب والله وهكلمكم بمنتهى الحكمة والأدب… أنتو مجانين يا جماعة؟؟؟ أنتو عُبط صح!! ده إحنا قضينا طفولتنا كلها مسمعناش غير جملة واحدة بتتكرر يوميا”.
وأضافت: “إوعي حد يضحك عليكي ويقول لك تعالي هجيبلك شكولاتة.. إوعي حد يقولك تعالي هوديكي لماما وتروحي معاه… إوعي حد غريب يضحك عليكي وتصدقيه، أنتو اتربيتوا زينا ولا مسمعتوش الكلام ده؟؟”.
وتابعت: “عيلة صغيرة أي حد يضحك عليها بأي حاجة ولما تكون بياعة مناديل ولا بتشتحت في الشارع سهل قوي يقول لها تعالي ورايا وأنا هديكي فلوس هتروح وراه… أما بلاوي”.