مشاهير مغاربة يعلقون على قرار الجزائر فرض “الفيزا” على المغاربة
مباشرة بعد فرض النظام الجزائري التأشيرة على حاملي جواز السفر المغربي، عبر مجموعة من المشاهير المغاربة عن استهزائهم بالقرار عبر حساباتهم على وسائل التواصل الاجتماعي.
الممثلة، سكينة درابيل قالت في ستوري لها: “تصدمت من هاد الخبر، الحكومة الجزائرية فرضات على المغاربة الفيزا لي بغاو يمشيو للجزائر، دبا حتا فين غانمشيو؟ فين غانتاسراو، فينن غانمشيو نديرو الشوبينغ ديالنا ما يمكنش هادشي خاص يكون فيه إعادة نظر، فين غانوليو نمشيو نفوجو ونشوفوا الناس، فالمولات الكبار والمسابح الخاصة، وفين غادي ناكلو البنان، فين غادي نشوفو بونو والزليج المغربي، قوالب السكار التكاشط القفاطن هادشي كيضر فالخاطر ما بقيناش غادي ناكلو البنان غادي ناكلو غير الخص”.
الفنان، رفيق بوبكر عبر عن دهشته من القرار وقال: “أواه واش الجزائر دارو عندنا الفيزا ما يمكنش را عندي العدس تماك نمشي نشوفوا ندير ليه الدوا، زارعو تما عفاك شي تونسي يمشي يطل ليا على العدس ديالي لي كاين فالجزائر، دارو علينا الفيزا مصيبة هادي”.
الممثل، طارق البخاري ظهر بـ “فيلتر” هزلي، وعلق على الموضوع قائلا: “أنا في غاية الحزن البلاطو كله حزين من بعد الخبر المؤلم كلشي كاعي كلشي طالع ليه الدم، جبنا كينة الصبر من الصيدلية، باش يديروا علينا الفيزا لا فين بقا لينا نمشيو المالديف البرازيل بلا فيزا، وبلدان الجزر، هادشي برا”.
وتابع “ولكن عندنا اش نبقاو نشوفوا غير مرزوكة والمحيط الأطلسي كامل، نشوفوا فواكه البحر والحوت ديال العيون الداخلة أصيلة الشاون أقشور والله النفسية كانت مشهية نسافر ونشوف خنشلة وناكل سكرينطبح فالدروج، والله ينعل لي ما يحشم، تا أش عندكم ما يتشاف يا الكراغلة، يالاه برا”.
