مروى الريوي تسرد تفاصيل رحلتها مع فقدان الوزن
شاركت التيكتوكر المغربية، مروى الريوي تفاصيل رحلتها مع فقدان الوزن، والتي انطلقت سنة 2019 واستمرت لغاية اللحظة.
ونشرت الريوي صورتين عبر حسابها الشخصي على موقع التواصل الاجتماعي “إنستغرام”، توثق إحداهما لما قبل رحلة الحصول على جسد مثالي، فيما ترصد الأخرى لشكلها الحالي.
وعلقت الريوي على صورها قائلة: “هادي واحد الطرونسفورماسيون لي كنت وصلت ليها بعد عناء كبير فمدة ديال 3 أشهر كنت دخلت فواحد البروغرام ديال التنشاف صعيب بزاف فعلا هادي من أصعب المراحل لي دازت فحياتي كنت زيرو سكر زيرو كارب زيرو دهون نزلت الوزن ديالي وحتى الدهون مع الاحتفاظ بالكتلة العضلية”.
وأضافت: “كنت مرات كنبكي فالجيم وماعندي خاطر لي دوا معايا كنتعصب ولكن رغم هادشي كلشي مبغيتش نتشاركها معاكم حيت كنت بغيت نتيجة حسن حيت انا بالطبيعة ديالي ديما كنبغي la perfection فكلشي فقررت نحتفظ بالتغيير ونبدا بروجرام آخر لي هو التضخيم والصيف الجاي الى طول ربي العمر نرجع نشف وغادي نوصل للنتيجة حسن وراه هكدا كيبدا الواحد ديما النتيجة مكتجيش من أول مرة كيخص الشخص يكمل وكل مرة كيقول هاد العام وليت حسن من العام لي فات ونهار غادي نوصل للنتيجة لي انا بغيت وقتها عاد غانشارك معكم التغيير لي أنا بيني وبين راسي غادي نكون فرحانة أني وصلت لي هادشي مكيعنيش أني موصلتش مي كيعني أني مازال قدامي طريق طويلة متفقدوش الأمل كلشي كيجي مع الوقت خاص غير العزيمة والقوة”.
واختتمت تدوينتها قائلة: “الصورة الأولى ف 2019 و الصورة الثانية فالصيف ديال 2022 يعني ثلات سنوات دازو فيها بروغرامات بزاف باش وصلت لهاد النتيجة”.
