الوالي يسرد ذكرياته مع المسيرة الخضراء
شارك الممثل المغربي، رشيد الوالي، يوم امس الجمعة، من خلال حسابه الشخصي على موقع التواصل الإجتماعي إنستغرام”، ذكريات الطفولة التي عاشها بعمر العشر سنوات، يوم المسيرة الخضراء.
وبدأ الوالي بسرد ذكرياته قائلا: “المسيرة الخضراء .وهاذو نساء متطوعات ….كان فعمري عشر سنين .أو مرة شفت الناس طالعة فالقطار وفالشاحنات وضنيت انها حرب او زلزال والناس كتهرب .ولكن شفت الناس فعينيها فرحة وسعادة. واللي كيهرب مكيغنيش..”.
وتابع الوالي: “الناس حاملين الراية وقرآن اخضر .سولت علاش ؟قالو ليا غاديين للصحراء نرجعو بلادنا ونجريو على السبليون، تمنيت نمشي معاهم .ونهرب من دارنا ونبقا حتى نرجع..ولكن مقدرتش حيت كنت كنخاف من الواليد. وتفكرت دموع أمي اللي يمكن تنشف من لبكا عليا..”.
وتذكر الوالي موقفا ظل عالقا في ذهنه قائلا: “شوية وأنا نسمع شي صوت عيط ليا .. واحد الشاب طاحت ليه الراية.. وطلب مني نمدها ليه …هزيتها من الارض وبسرعة مديتها ليه وقلبي كيضرب..كتاب ليا نهز الراية بلا منطلع معاهم..”.
وأتمم الوالي: “ابتسم الشاب ومد ليا حك ديال السردين…خديتها فرحان وبلا كنحس لقيت فيدي واحد اخر كل واحد فيهم كيعطيني بواطة.. ورجعت لدارنا وأنا محمل بالسردين….سولاتني الواليدة منين جبتيهم….قلت ليها مشيت للمسيرة وعطاوهم ليا، ودارت أمي بيهم لغدا زادت عليهم البصلة ومطيشة والزيت واللي كلس يتغدا كتقوليه أمي ..رشيد اللي غدانا ليوم”.
