أسامة رمزي يعاتب الحكومة بعد إعلانها قرار منع التنقل من وإلى 8 مدن مغربية
انضم الكوميدي المغربي، أسامة رمزي، لقائمة المشاهير الذين انتقدوا قرار منع التنقل انطلاقا من أو في اتجاه مدن طنجة، تطوان، فاس، مكناس، الدار البيضاء، برشيد، سطات ومراكش، الذي اتخذته الحكومة المغربية، يوم أمس الأحد 26 يوليوز، وجرى العمل به بعد منتصف الليل من نفس اليوم.
وعاتب رمزي الحكومة، وأكد أنها تعاني من أزمة تواصل مع المواطنين، قائلا: “الحقيقة المرة هي أن الحكومة عندها أزمة تواصل مع المواطنين! كانظن أن كل واحد فينا قال غا الله يحفظ من العيد الكبير وداك السفر عند العائلات يقدر يدير كارثة حقيقية يعني فكرة الخوف من سفر الناس فالعيد كانت واضحة ! علاش ما تخرجوش عند الناس جوج سيمانات ولا تا شهر قبل و تقولو كاين خطر حقيقي إيلا الناس تنقلو عوض ما تعطي قرار ف خمس ديال السوايع و تخلي الناس كاتجارا و تشوف الموت بعينيها”.
وأتمم في السياق ذاته: “ما يمكنش ناخد قرار ونرجع اللور كانتفرج را كاين اللي كان خدام فمدينة ولا مخلي عائلتو فمدينة و ناض كايجري يمشي لدارو . ما يمكنش ديما نحملو المسؤولية للمواطنين فقط ! آه متفق باللي كاين بزاف ديال الإستهتار و فينا كاملين باش نكونو صريحين مع راسنا ولكن فنفس الوقت خرج هضر مع الناس ماشي يطلعو الأرقام و تبغي تعتق الوضع بشي قرار اللي كايدير ليك مصيبة أكبر”.
وأضاف: “اش وقع فاللخر؟ تجمعو المئات ولا الآلاف فالمحطات ، زحام خيالي فالطرقان و الكسايد الله يحفظ . يعني ما درتي والو من غير أن هادوك اللي كانو غادي يسافرو يومين قبل العيد خليتيهم يسافرو خمسة د السوايع قبل ما تسد . ديك المسألة ديال لا شجع السياحة فمدينتك و ما تسافرش ؟ اش بغيتيه يكري أوطيل فين ساكن ولا يدير السياحة فين ساكن”.
واختتم رمزي تدوينته التي نشرها عبر حسابه الشخصي على موقع التواصل الاجتماعي، فايسبوك، قائلا: “فالأول كون واضح مع الناس ممنوع تسافر ماشي تخلي القضية مفتوحة ها حنا حالين ولكن نقدرو نسدو فأي لحظة نتوما و زهركم . نوهنا بعمل الحكومة أكثر من مرة ولكن هاد المرة القرار كان كارثي . فالأخير الله يلطف حيت كلنا معكسين مع بعضياتنا بحال إيلا شادين الضد مع بعضياتنا و غا دويو غا دويو”.
وأدى قرار منع التنقل انطلاقا من أو في اتجاه مدن طنجة، تطوان، فاس، مكناس، الدار البيضاء، برشيد، سطات ومراكش، إلى اكتظاظ المحاور الطرقية بالمدن المعنية.
