هيفاء وهبي توجه رسالة دعم إلى يسرى اللوزي بعد التنمر على ابنتها -فيديو
وجهت هيفاء وهبي رسالة دعم إلى يسرى اللوزي بعد تعرض ابنتها إلى التنمر بسبب ضعف سمعها، وذلك خلال مداخلة هاتفية على برنامج “القاهرة اليوم”.
وعلقت هيفاء وهبي: “الإنسان اللي عنده مشكلة في حياته أحسن من 100 حد بيتنمر عليه، ممكن البنت لما تكبر تبقى أذكى وأحسن من كل العالم، المهم أن لا تتأثر لا البنت ولا والدتها”.
أما عن يسرى اللوزي فقالت هيفاء وهبي : “أنا بحبها وربنا يخليلها بنتها، المهم متتأثرش والحمد لله أن البنت ليها أم قوية بتواجه مجتمع مريض، لكن في نفس الوقت في أشخاص واقفين جنبها وبيدعموها، إحنا مش لازم نستسلم للمتنمرين، والمتنمر اللي بيسخر من طفلة دي خلقة ربنا، دي خلقة الله، وأي حد مش فاكر إنه ربنا هيحاسبه؟.
وأضافت هيفاء وهبي : “لازم يكون في قوانين للسوشيال ميديا ولما نفتح حساب جديد نكتب رقم البطاقة علشان لما حد يتنمر نقدر نوصله، لكن لما بيكون اسم الحساب أبو نونة وأم سوسو مش هنعرف مين بيكتب إيه”.
يذكر أن هيفاء وهبي كانت تعرضت لحملة تنمر خلال حفلها في السعودية، بسبب تغير ملامح وجهها.
