تحدثت الفنانة، نداء شرارة عن بعض الأشخاص الذين يتنمرون عليها وعلى ملامح وجهها حيث قالت : “انا بشوف وجهي لطيف الحمدلله ، كتير ببعتولي ، بس لو تعملي منخارك بتصيري احلى، او حتى تعليقات انه انتي فنانه لازم تعملي منخارك كتير بتتغيري واخر تعليق وصلني منخارك زي البتنجانه ضحكت ”

وأضافت  : “بعرف منخاري مش احلى شي و في زوايا لما يصوروني منها بحسها بتنصح وجهي ، وبعرف اني مش دائما بعطي عمري يمكن بعطي اوقات اكتر من عمري واكيد وجهي مش احلى وجه بالعالم بس انا وجهي كلو محبه كلو قبول انا عمري ما اتطلعت ع المرايه ما قلت الحمد لله ع كل شي بحب حالي ومقتنعه انه هاد نصيبي من الجمال ”

وتابعت : ” عمري ما اهتميت بكيف ممكن الناس تشوفني من برا قد ما بهتم كيف رح يشوفوني من جوا، الناس بتشوفني حلوه لاني بشوف حالي حلوه لانه الطيبة اللي بداخلي مزروعة بملامحي وانا راضية بشكلي الحمدلله.. حبوا حالكم كيف ما كنتم..  رب العالمين ما خلق شي مش حلو”.