لأول مرة.. هشام مسرار يشارك صورة تظهر علامات “البرص” على جسده
اختار المنشط التلفزي، هشام مسرار، مشاركة معاناة تقبله لداء البرص، الذي أصابه منذ مدة، مع محبيه، مؤكدا أنه كان يعيش صراعا داخليا كبيرا.
ولأول مرة، نشر مسرار صورة عبر حسابه الشخصي على موقع التواصل الإجتماعي “إنستغرام”، تظهر الجزء العلوي من جسده، وعلامات “البرص” بادية عليه.
وعلق مقدم برنامج “ستارلايت” على الصورة قائلا: “فكرت ألف مرة قبل من حط هاد التصويرة وغادي تكونو غالطين إلى حساب ليكم القرار كان سهل وسريع بالعكس، صراع فكري كبير مع راسي، مع المحيط ديالي، ومع المجتمع اللي عايش فيه”.
وأضاف: “ماشي ديما الناس كاتدوي بكلام مسموع، فغالب الأحيان الشوفات ديال بنادم كتكون قرطاس. قرطاس باش تواجهو خاصك تتصالح مع راسك أولاً، وتفهم باللي المشكل فالأصل ماشي ديالك انت..”.
واستطرد قائلاً: “بحال بزاف فيكم، حتا أنا فالأول كان كيحساب ليا باللي البرص غادي يكون عائق كبير فحياتي، فخدمتي، وفعلاقتي بالآخرين.. مع مرور الوقت، فهمت باللي العائق الوحيد كاين غير فراسي أنا بوحدي.. اليوم مكانتخيلش راسي بلا برص ، هذا أنا وهكذا داير وعااااااجبني راسي”.
