فدوى الطالب توجه رسالة لمخرجة “صلا والسلام”
عبرت الممثلة المغربية، فدوى الطالب، عن شكرها وامتنانها للمخرجة، زكية الطاهيري، بعدما منحتها فرصة لعب دور بطولة مطلقة في المسلسل المغربي “صلا والسلام”، الذي يعرض على القناة الأولى.
ونشرت الطالب صورة لها رفقة الطاهيري والممثل، يوسف الجندي، أرفقته بتدوينة مطولة عبر حسابها الشخصي على موقع التواصل الاجتماعي إنستغرام، كتبت فيها: “كانت هي لي تاقت فيا، هي لي شافت فيا حاجة أخرى، شافت فيا الاختلاف و راهنت عليه رغم صعوبة الأمر، هي لي بغاتني نكون إمرأة فأكمل صورة، كانت هي لي بغات تبدلني شكلا ومضمونا و تعطي صورة أخرى لفدوى طالب”.
وأضافت”كانت هي السند، هي الأم، كانت هي لي شادا ليا فيدي وغادا بيا للأفضل، كانت هي الأمان، كانت المرأة لي عجناتني وعاوداتني باش نكون كريمة لي كلكم حبيتوها وتعاطفتو معاها، كانت هي لي عطاتني أول بطولة فعمل كبير ومتميز وفيه مسوولية كبيرة، كانت هي لي كتحيد مني الخوف فاش كنرجع اللور، بحبها وقلبها لكبييير، هي زكية الطاهيري مخرجة عمل صلا وسلام، شكرا على كل شيء والله يعطيك الصحة وطول العمر”.
في سياق متصل، خرج الممثل المغربي، محمد الشوبي، ليلة أمس الخميس، بتدوينة “غريبة”، اتضح فيما بعد أنه قصف من خلالها فيها زكية الطاهيري، مخرجة مسلسل “صلا والسلام”.
وكتب الشوبي عبر حائطه الفايسبوكي: “تعياي يا لالة تحرجي الفنانات الممثلات يمدحوا فيك، طبعا حيت كايديروا ليك خاطرك، ولكن الناس لي عارفين راهم عارفين، والصلا عالنبي”.
وجاء تعليق إحدى متابعات الشوبي كالتالي: “السي الشوبي ماشي كترتي شوية على زكية الطاهري، بغض النظر عن رأيك فيها كمخرجة وخلافكم لكن فعلا راه عطات لفدوى طالب فرصة العمر، ببطولة مطلقة وخرجاتها من النمطية اللي حصروها فيها وفعلا المسلسل محقق نسبة مشاهدة عالية”.
الشوبي رد على متابعته قائلا: “زوينة هاد عطاتها فرصة العمر، فدوى كبيرة قبل أي واحد”.
وأضاف المتحدث ذاته: “وعاد تحقيق نسب مشاهدة عالية راه غير جبد العرس والنگافة والتريتور فالمغرب وتشوف شحال ديال بنادم واخا مامعروضش غيجي، شوفو غير لالة العروسة وحكموا، أنا ماشي ضد الكونسيبت أنا أناقش المستوى الاخراجي وليس عطاء الممثلين لأنهم كبار”.
