فاتي جمالي تستنجد بوزير العدل وتصرح: “أنا ماباغاش نحتفل بعيد الأم”
أعربت مليحة العرب، فاتي جمالي عن غضبها من قانون الوصاية على الأبناء بالمغرب، الذي يحرم المرأة المطلقة من استخراج وثائق هوية أطفالها، سواء البطاقة الوطنية أو جواز السفر، أو غيرها من الإجراءات الإدارية، بالتزامن مع احتفالات العالم بعيد الأم.
وشاركت جمالي تدوينة مطولة عبر حسابها الشخصي على موقع التواصل الاجتماعي “إنستغرام”، تضمنت ما يلي: ”الأم ممحتاجاش نهار نكتبوا ليها جملة فمواقع التواصل الإجتماعية، المرأة والأم محتاجة نعطيوها أبسط حقوقها محتاجا المساواة لي ديما كنت كنسمع عليها ولكن مع الأسف مكيناش”.
و أضافت: ”إلا كنت أنا كأم معنديش الحق ناخذ بطاقة وطنية ولا جواز السفر متعلقة بولدي لمجرد أنني مرأة ولكن الرجل يقدر يخدو بلا موافقة الأم (أين هي المساواة) كيقولك لا مرأة تقدر تهرب بولدها على مشاء الله شحال من راجل هرب بولادو وخلا المرأة غدي تحماق”.
وتابعت: ”مع المساواة الحق لي تعطي لأب عطيه الأم، أنا كأم حملت وتوحمت وتكرفصت فالحبالة وفالولادة وفرضاعة (بحال كل الأمهات) وتكرفصت فطلاق وعندي الحضانة إتفاقيا وأنا لي كنضرب تمارة على ولدي وكنصرف عليه بحالي بحال بزاف الأمهات المغربيات القادات لي تهز ولادها بسنانها خصني نتسنى ورقة من عند الراجل”.
واسترسلت قائلة: ”أنا معنديش مشكل مع الشخص قد ما عندي مشكل مع القانون لي خصو يعطيني قيمتي فالمجتمع منذو شهور ولدي بلا أوراق ودابا خصني نطلع ونهبط فالمحاكم باش ناخذ هد الحق لمجرد أني مرأة، كنتمنى من وزير العدل السي عبداللطيف وهبي كوزير عدل وحقوقي لي كان مهتم بالقضايا الأسرية، المهنية وحقوق الإنسان يعطي الأم حقها أكيد المشكل ديالي بسيط بالنسبة المشاكل أخرى لي كتواجه الأم لأنها مجرد إمرأة في مجتمع ذكوري”.
و اختتمت تدوينتها قائلة: ”ولكن صعيب تكوني كديري كاع المهام الحياتية وتعتابري راسك قوية و راجل ونص وفالآخر تلقاي راسك غير زايدا فهاد الكرة أرضية منذ شهور وفمي كياكلني باش نهدر على الموضوع وكنت دیما کنتردد ولكن عيد الأم ستفزني، أخيرا الأم هي أمك أختك وبنتك ولكم واسع النظر”.
