صديق كريم صبري يخرج بتدوينة صادمة ويقصف شقيق رامي صبري
كشف صديق الراحل كريم صبري، شقيق النجم المصري، رامي صبري عن كواليس معاناته مع مرض الإكتئاب والإدمان، بسبب عدم تلقيه للمساعدة من أقرب المقربين له، ورجح رواد مواقع التواصل الاجتماعية أنه يقصد رامي صبري.
وشارك صادق عادل تدوينة مطولة عبر حسابه الشخصي على موقع التواصل الاجتماعي فايسبوك، فجر فيها مفاجآت عدة، وكتب قائلا: “كريم ماكنش بالصوره الي بتتقال دي ابدا، كريم ماكنش بالوحاشه دي بالعكس ده من ارجل الناس الي عرفتها في حياتي، ارحموه بقه ده خلاص مشي و سابكم، بلاش التشويه ده في صورته”.
وأضاف: “كريم كان مكتاب و تعبان من كل القريب منه والي استنى منه مساعده وملقهاش، كريم كان فنان و دشاطر ومجتهد وملقاش الدعم الكافي فاكتئاب وده طبيعي لواحد الناس فاهمه انه ياما هنا وياما هناك وهو ياعيني بيعافر وبيحاول بكل جهده”.
وتابع قائلا: “للاسف الي بيكون من عيله فنيه الناس بتستخسر تساعده وفاهمين ان العيله عامله الواجب معاه وفي ناس تانيه اوله، بس الحقيقي ان ده غلط تماما، صحابه بس إلي وقفت جمبه وكانت بتحاول تعمله حاجه مش أكثر ، سواء محمد شفيق أو كريم أسامة أو أنا أو كام شخص بس الي قريبين منه، لاكن مافيش الي الناس فكراه ده”.
واختتم منشوره برسالة جاء فيها: “بلاش تشويه في انسان شاف حياه صعبه وسبنا بطريقة أصعب، بجد مش علشان تجاملو حد تشوهو في صوره انسان راح لربنا، وكفايه كلمه اخو الفنان رامي أخو الفنان رامي علي فكره اسمه كريم صبري وليه تاريخ مش بطال يتشرف بيه. ارحموا علشان ربنا يرحمكم”.
