أبو حفص يدافع عن “المكتوب” ويرفع من شأن “الشيخة”
دخل الباحث في الفكر الإسلامي، عبد الوهاب رفيقي الشهير إعلاميا “أبو فحص”، على خط قضية انتقاد الداعية الإسلامي، ياسين العمري لمسلسل “المكتوب”، ولدور “الشيخة”.
وشارك أبو حفص تدوينة عبر حسابه الشخصي على موقع التواصل الاجتماعي فايسبوك جاء فيها: “أنا تنتفرج ف مسلسل “المكتوب” حيت تيعجبوني المسلسلات بغرض الترفيه والتسلية، ماشي باش ناخد منهم الدروس والعلم”.
وأضاف: “ما علينا أنا تنتفرج ف “المكتوب” لأنو عمل مغربي، واخا الريتم ثقيل شويا ولكن السيناريو محترم، والأداء زوين لاديال بوتازوت والناجي كالعادة، ولا ديال الاخرين خاصة لبنى شكلاط زوجة المنشط الاذاعي ديال ميد راديو سي هشام، ولا البنت لي دات دور سليمة لي برعات ف تشخيص البنت الشريرة”.
وتابع قائلا: “أما الشيخة فهي جزء من ثقافتنا وفئة من فئات المجتمع، وبالتالي من حق الدراما تعطيها حقها وهو امر يحسب ليها، الشيخة بحالها بحال كل الفئات، ماشي ملاك وماشي شيطان، ماشي بالضرورة تكون شي حاجة خايبا، وماشي بالضرورة تكون مقاومة ومناضلة، هي ككل الشعب، كما تنصورو فئات أخرى من الشعب بمختلف سلوكياتها، تنصور الشيخة لي دمرات علا بنتها وقراتها وعزيز عليها صحاباتها ومنساتهمش، و ف نفس الوقت الأم لي تتشجع بنتها على الزواج بواحد لمجرد انو غني”.
واسترسل كلامه: “عموما برافو لفريق العمل، وايلا بغيتي تنتقدو انتقد بوطازوت والناجي انهم مخرجوش من واحد صورة نمطية، قول ان التشخيص ديال لي مثل راجل سليمة مقنعكش، ماشي تحكر فقط على الشيخة لأنها “امرأة” مع ان المسلسلات تيهضرو على الشمكارا وعلى القتلة وعلى المجرمين وعمرك قلتي لينا هدا تطبيع مع الشمكار ، علاش مداروش واحد ف الدرب تيقرا القران، وسولهم دربهم شحال فيه من شمكار علاش سولتيهم غي علا الشيخات؟ لانها امراة بكل اختصار”.
واختتم تدوينته بـ : “ولكن شنو ممكن تسنا من شخص تيحرم حتى سماع موسيقى كلاسيكية؟ اش بغيتي يقول ف شيخة؟ انما لي تنتعجب ليه هو ما الناس لي عاجباهم ديك الهضرة وتيطبلو ليها وف الاخير هوما السباب ف اننا نكونو ف اول الدول متابعة للمواقع الزرقاء خلال رمضان… قمة التخاصم مع النفس الله يحضر السلامة”.
