دنيا بطمة تتوعد بمقاضاة الملولي بعد طلبه الزواج منها
أعربت الفنانة المغربية، دنيا بطمة عن صدمتها الكبيرة من الضجة التي أحدثها مقطع فيديو شاركه الشرطي المعزول، هشام الملولي، والذي استغله هذا الأخير من أجل إعلان طلب الزواج منها.
ونشرت بطمة صباح يومه الثلاثاء، عدة تدوينات عبر حسابها الشخصي على موقع التواصل الاجتماعي “إنستغرام”، كشفت من خلالها عن تفاصيل هذا اللقاء، وكذا إعلان متابعتها للملولي بسبب استغلال اسمها من أجل خلق “البوز”.
وكتبت بطمة: “كيقلك واحد المثل دير الخير تلقى، الشر واذا الشي زاد عن حده وجب علي التوضيح ، انا كفنانة مغربية بنت حي شعبي معروفة عليا الابتسامة مكتفارقنيش وممتكبراش نهاااائيا واش هذا غلط ؟؟ معرفتش صراحه.. اخر حفل وقع واحد الموقف واحد الشخص، باغي يطلع يتصور وبقى فيا مخلاوش، سكيورتي قلت لهم ماشي مشكل بحالو، بحال غیرو رحبت به و طلع دار فیدیو، وسط ازعاج وصداع ، قلت لو شنو سميتك حيت اذا هوا كيحسابلو معروف انا معرفتوش، حاجة عاديه قالي الاسم ديالو عملت لو اهداء.. يمكن متقبلش أنني معرفتش اسمو فحول فيديو الى فيلم قصير من تأليفه، من بعد اكتشفت انه هاد انسان معروف کیموت على buzz الخاوي”.
وأضافت: “كتب تدوينة يمكن هوا معارفش خطورة، دكشي لي كتب حيت واحد معمي خاصو الصرف والبوز فقط ولكن مااااشي على ظهري انا.. دخل في الطريق الغلط مع الشخص الغلط لي مكسكتش على حقو وماشي حيط قصير لي جا ينقزو من بعد، عرفت شكون مسيفطو وعرفت الغااااية، من الموضوع كامل انسانه مستهدفة في هذا الوقت بالضبط ) المهم كل من تخول له نفسه انه يتعامل بهاد الطريقة لي، كنسميها انا قلة ترابي وقلة ادب واحد، مطلعينو يتصور بحال اي فانز ولا باغي يتزوج كاع بساله وضصاره وقلة الوعي”.
واختتمت المتحدثة ذاتها تدوينتها قائلة: “لي ممربيش غادي يربيه القانون را مكناش السيبه فلبلاد، ممكن بعض الامور ندوزهم بمزاجي واشياء مكندوزهاش تا کنطرق عليها وتكون عبرة لمن لا يعتبر وداك النوع بالضبط يستحق القمع فعلا #احلم_على_قدك”.
