تفاصيل حرب كلامية بين رضوى الشربيني وياسمين عز
اشتعلت نار الفتنة بين الإعلاميتين المصريتين رضوى الشربيني وياسمين عز، وذلك بسبب تدوينة نسبت للشربيني، وهو الأمر الذي دفع الأخيرة إلى الخروج عن صمتها ونفي علاقتها بها بطريقة أثارت حفيظة الإعلامية ياسمين عز.
وتعود تفاصيل الواقعة إلى تداول تصريح نسب لرضوى الشربيني، على نطاق واسع ، جاء فيه “البيت بفلوس الراجل وتيجي مراته تقوله اقلع الجزمة عشان السجادة، ده أحط فساتيني الماركات تحت رجله يمشي عليها”، وهو الأمر الذي كذبته الشربيني من خلال إعادة تداول التدوينة والتعليق عليها قائلة “وأنا أقول الكلام ده ليه..أنا ست عندها كرامة..كلام العبيد ده مش بتاعي”.
ليأتي الرد سريعا من ياسمن عز عبر خاصية الستوري على حسابها بالأنستغرام، حيث دونت “ويحك يا دعسوقة.. كرامة ايه يا أم كرامة بلاستيك أطرافها مطاط، تمط وتنكمش حسب المصلحة والظروف المحيطة.. مدام بليز كرامتك وقعت منك أخر مرة هناك.. ابعتي عبد (مظلوم ) من عندك يجيبها قبل ما تسيح فالشمس، واحكيلنا بالمرة قواعد بيات المراة الاربعون برة بيت الزوج من غير اذنه سلينا كدة في الأجازة لانك بقيتب ممل وشطبتي محتوى .. حتى في تلقيحك مملة .. زيرو محتوى زيرو أنوثة .. بس للأمانة أسترجال ليفل الوحش”.
وتابعت ياسمين مهاجمة رضوى “دة أنا مش بس أدوس عالفساتين الماركات دة أنا أدوس على أي حد علشان خاطر الفرعون الصغير بعمل دة في الحياة العادية وبقوله فالعلن.. إنما بقى لما يكون في خرابة بيوت بتبوس الجزم فالسر وتعمل فيلم مظلوم وتطلع في العلن تحكيلنا مأساة المرأة الاغريقية.. كدة انتي محتاجة علاج يا مدام .. روحي اتعالجي يا مدام في تشوهات نفسية وشياط وغيرة ويأس بدأ يتجلى ويتفشى ويترعرع في الأنحاء .. وبلاش نشغل اأسطوانة المرأة الحديدية .. علشان المرأة نفسها لو عرفت انتي ايه هيجيلها صدمة دماغية حضارية”.
ثم ختمت عز مهددة رضوى الشربيني قائلة “بقولك يا خرابة البيوت العمرانة.. جربي حطي اسمي تاني في تلميحات أو تلقيحات علشان هنتفرج كلنا وقتها أنا دوس على ايه تاني غير الماركات.. واهو بالمرة نحكي الحكايات ونسلي الناس فالإجازات” .
يشار أن رضوى الشربيني قد اشتهرت بدفاعها عن قضايا المرأة وبعدائها الشديد للرجل، وعلى النقيض من ذلك اشتهرت ياسمين عز بدفاعها عن الرجل وبمطالبتها من المرأة تدليله وخدمته بطريقة مثيرة للجدل ومثيرة للسخرية في أحيان كثيرة
