بسبب تصريحاته.. تامر حسني يوجه رسالة لأحمد السقا-صور
بعدما كشف الفنان المصري أحمد السقا عن وجود خلاف بينه وبين الفنان تامر حسني بسبب فيلم “الفلوس” خرج هذا الأخير من خلال صفحته الرسمية بموقع تبادل الصور والفيديوهات “انستغرام”، لنفي كل ما جاء على لسان السقا بعد استضافته في برنامج وفاء الكيلاني.
ونشر تامر حسني تدوينات مطولة عبر خاصية “الستوري” بـ”انستغرام”، كتب فيها:”حبيبي وأخويا وصديق العمر ونجم الدنيا كلها أحمد السقا، كنت أتمنى إنك تكلمني بيني وبينك لو كنت زعلان من أي حاجة أو فاهم أي حاجة غلط، لإن الحاجات دي لا يمكن تفوتك وأنا كنت أتمنى مكتبش الكلام دا هنا بس عشان بعد كلامك في التلفزيون، الجمهور الكريم بقى ليه حق إنه يفهم الصح”.
وتابع:” عشان أفكرك بس، أنت كلمتني وقولتلي خبر في موقع وعليه صورة افتراضية للفيلم وكاتبين إنك بطل في الفيلم، وأنا رديت عليك إن دي اجتهادات صحفية والصورة من تصميم المحبين اللي أكيد فرحوا بالخبر إننا مع بعض، حتى أنا مقولتش إن دي الشركة المنتجة لأنها شركة كبيرة لا يمكن تعمل كدا لأن الفيلم متباع للخارج والداخل باسم أخوك تامر حسني وأصلًا أفيش الفيلم الرسمي نزل والناس كلها شافته وأنت مش فيه ولا فيه اسمك وكل الأبطال طالعين مرسومين معرفش وعلم من إيه الحقيقة”.
وأضاف حسني:” كان ممكن تزعل لو الكلام دا نزل على صفحتي أو صفحة الشركة المنتجة وأنا شرحتلك دا من سنة واتكلمنا بعدها مرتين، مرة عيدت عليك في عيد ميلادك والتانية بخصوص برنامجك لو كنت لسه زعلان كنت هتقولي ساعتها، الفيلم بقاله سنه يا أحمد، أخيرًا بقى مستحيل الشركة تروج أو أنا أفوت أو اسمح باستخدام اسمك كبطل للفيلم وأنت مش فيه، لإن دا هيعود علينا كلنا بالضرر لإن الناس هتدخل الفيلم مش هيلاقوا الكلام دا فيبقى احنا كدا بنضحك على الناس وضرينا الفيلم ولأن أكيد يشرفني إن احنا نمثل مع بعض بطولة مشتركة لأنك حبيبي بجد ونجم أنا بحبه من قلبي فعلًا.
وعبر الفنان المصري تامر حسني، عن حبه واحترامه للفنان أحمد السقا، على الرغم من تصريحاته الأخيرة، إلا أنه يعتبر بمثابة أخ وصديق له، قائلا:”أنت حبيبي يا أحمد وصديق عمر عشان كدا أنا مش هزعل منك معلش طولت في الكلام لإن برضو زعلك يعز عليا”.
