بسبب تامر حسني.. مشاهير يهاجمون حلا شيحة
تعرضت الممثلة المصرية، حلا شيحة لهجوم لاذع بسبب انتقادها للنجم المصري، تامر حسني، بعد طرحه لكليب أغنية “بحبك” من فيلمهما “مش أنا”، وتبرئها من المشاهد الرومانسية التي جمعتهما في هذا العمل.
وعلق ملحن الأغنية، محمد سراج على تصرف حلا شيحة من خلال تدوينة شاركها عبر حسابه الرسمي على موقع التواصل الاجتماعي إنستغرام، قائلا: “أستاذة حلا إحساسك إيه دلوقتي ومحدش مصدقك، وطبعا عارفة محدش مصدقك ليه ؟؟ كان أكرملك تتبرأي وتتوبي من الفيلم بينك وبين ربنا بس واضح إن الخناقة بينك وبين جوزك كانت كبيرة وده بيأكد إن البوست مش إعلان توبتك إلى الله على قد ما هو بيصالحك على جوزك بين قوسين جوزك متجوزكيش وفاكرك مدرسة دراسات واتفاجئ بعد كده”.
وتابع: “إنتي غريبة ومتناقضة جدا الفيلم بقاله 3 أسابيع بنفس المشاهد اللي حضرتك صورتيها بإرادتك بين قوسين أصلا مشاهد مش أوفر ده مش عشانك عشان دي طبيعة تامر في أفلامه وكليباته مفيش مشاهد أوفر بين قوسين برضه اللي واخدة أجرك عليها”.
وأضاف: “هل اللي صورت المشاهد دي عفريتة سيادتك هل اكتشفتي امبارح بس بعد نزول الكليب، الكليب ما هو إلا مشاهد مجمعة من الفيلم مشفناش الحرقة دي والتوبة دي والكلام في تفاصيل مشاهد مضايقاكس في أفلامك اللي فاتت اللي بتتعرض على التليفزيون بتنصحي زمايلك إن الشهرة عامياهم على أساس إن توبتك كل اثنين وخميس اللي بتنشريها على السوشيال ميديا دي إيه مش شهرة حضرتك زيك ززي للي بيتاجرو بالدين يحضرني مشهد اللي هو بيبقى في الافلام ده ومكتوب وبعد مرور 3 شهور بتكون البطلة اتطلقت ورجعت تاني وتمثيل تاني وتلبس تاني وتتصور تاني وتقول ظروف”.
من جهة ثانية، دخل المخرج، ماندو العدل على خط الضجة، ونشر تدوينة عبر حسابه الشخصي على موقع التواصل الاجتماعي فايسبوك، جاء فيها: “ياريت بس لما تطلقي مترجعيش تقولي عايزة أمثل تاني يا أستاذة حلا”.
بدوره، هاجم المنتج، محمد العدل، الممثلة، حلا شيحة ونشر عبر فايسبوك رسالة كتب فيها: “طيب سؤال لو الكليب اتعرض في شهر جمادى الاول مش ذو الحجة كان يمشى معاكي، ده كلام معز هو اللي ماسك الموبايل صح خبيه منه”.
