أسامة رمزي: “غريبة تمشي لبلاصة فيها الزلزال وتاخد تصاور مع داكشي مردوم”
عاتب الكوميدي المغربي، أسامة رمزي الأشخاص الذين حرصوا على التقاط الصور خلال تواجدهم بالمناطق المنكوبة جراء الزلزال الذي ضرب عددا من المناطق جنوب المغرب.
وشارك رمزي عدة تدوينات انتقد من خلالها هذه التصرفات، عبر خاصية القصص القصيرة لحسابه الشخصي على موقع التواصل الاجتماعي “إنستغرام”.
وكتب: “سمحوليا ولكن را غريبة تمشي لبلاصة فيها الزلزال ويالاه ماتو الناس الله يرحمهم وتاخد تصاور مع داكشي مردوم ، حاولت نفهمها جاتني فشكل بزاف يمكن ما تكونش النية خايبة ولا وراها شي غرض ولكن را غريبة وكتعطي للناس إحساس كيبرزط بحال ايلا كتقول ليهم ها فين ماتو الناس والله أعلم”.
وتابع: “عندي شي حوايج فقلبي بغيت نقولهم نتمنى يتفهمو _ التضامن مع الناس ما كيعنيش أنك دير شي حاجة بمبالغة و over باش نتيقو التأثر ديالك – ماشي ضروري تبين حزن أكثر من الحزن اللي فيك وتمثل حزن أكبر وتهضر بوجه أحزن من الحزن وكيبان ماشي بصح _ ماشي ضروري دير واحد النوع من أنواع المساعدة باين ولا سرا تنتقد اللي دار عكس منك – ماشي ضروري تمشي لبلايص يالاه ماتو فيهم الناس الله يرحمهم و تاخد شي صورة درامية باش نقولو ناري هذا متأثر أكثر من الآخرين”.
وأضاف: “ماشي ضروري دير بطولات فوق الصلاحيات ديالك باش الناس يقولوها فيك زوينة – هذا ماشي سباق على شكون أحسن من الاخر وشوفوني هانا ا عباد الله عافاكم شوفوني را ربي شايف شنو ما شايفينش الناس اللي كتحاول ترضيهم _ التضامن را ماشي ضروري يرضى عليه العبد ، ايلا النية زوينة را ربي اللي غادي يجازيك _ هادوك الناس اللي في الدواور من أطيب خلق الله ما نرجعوهمش هوتة باش نبانو زوينين حيت شحال من انسان مزيان شايفينو خايب وشحال من خايب فالأصل مزيان”.
واختتم رسالته قائلا: “دوك الوليدات والبنيتات ماشي سلعة راهم بحالهم بحال خوتكم صغار ولا ولاد صحابك غير الظروف والمكتاب اللي حطاتهم فبلاصة أخرى ماشي ضروري نعاملوهم بطريقة فوق شنو كنديرو مع الوليدات العاديين غير باش نبانو كيوت _ تقدر تخدم القوالب مع الناس ولكن را ربي شايف كلشي و عالم بكلشي _ تقدر تكون نصاب وتكذب باش تاخد الحليب و الخبز و السكر … إلخ ولكن عرف باللي الدنيا نهار غا دور عليك غا تقول يا ريت كون ما درتش هادشي _ الخير لله سبحانه ماشي للعبد خدمو ضميركم وديرو قدامكم دينكم”.
