هند زيادي تروي تفاصيل انتحار صديقتها
في حلقة مؤثرة من برنامج “احك لشهرزاد”، شاركت الفنانة، هند زيادي ذكريات مؤلمة عن أول تجربة فقدان عاشتها في حياتها.
وتحدثت زيادي عن الحادثة التي أثرت بشكل عميق في حياتها، قائلة: ” كنت في السنة الأولى من الثانوية فاش انتحرت الصديقة ديالي، هذاك النهار كان أول مرة نخرجو ونجمعو الفلوس باش نمشيو ناكلو فالمطعم لي كنبغيو وكيعجبنا الأكل ديالو، كنت أنا وياها وصديقة أخرى، كنا فرحانين كنضحكو ونتصوروا وكلشي الأمور كانت هانية، وصلات الستة وكان خاصنا نرجعوا للدار وتفارقنا”.
وأضافت زيادي أن طريقة وداع صديقتها لها كانت غريبة، حيث عانقتها بحرقة كبيرة، وأنه كان من الصعب عليها تفسير تصرفاتها في تلك اللحظة وقالت: “من وراها بساعة كيعيطو ليا هند أجي را سكينة ماتت، فالأول كان كيصحاب ليا صحابتي كيتفلاو عليا، مشيت باش نشوف وعلى أساس غير كيضحكو معايا، بالحق فاش مشيت لقيت أنه فعلا نتاحرات ، شنو الأسباب وكيفاش وعلاش.”
وفي تفاصيل الحادثة أكدت هند زيادي أن السبب في انتحار صديقتها ناتج عن خلاف مع والدتها حول الدروس الإضافية، حيث اكتشفت والدتها أنها كانت تأخذ منها المال دون أن تحضر الدروس، مما أدى إلى نقاش ومشادات في الكلام بينهما.
وتابعت “صديقتي تعصبات ديك الساعة مشات كتجري حلات باب الدار وطلعات نيشان للسطح فالطابق السابع ورمات راسها”.
وأردفت: “بقات صديقتي على قيد الحياة لبضع ساعات وقالت لوالدتها ماما سمحي ليا كنت باغا نخلعك وصافي، بالحق هذا هو الغلط لي كيوقع لبزاف ديال الناس يعني كيلعبو بالحياة ديالهم من أجل تخويف أهلهم فالأخير النتيجة كاتكون خايبة بزاف”.
