مشاهير

نعمة العمراني بعد نزع الحجاب: أنا حرة وكندوز من مرحلة صعبة

بعد مرور فترة قصيرة على وفاة والدها، شاركت “اليوتيبوز”، نعمة العمراني أول صورة لها بعد إعلان قرار خلع الحجاب، موجهة رسالة لمنتقديها.

وقالت العمراني في منشور مطول على حسابها الخاص بـ “الإنستغرام”: “توحشتكوم بزاف ، توحشت نبارطاجي معاكوم النشاط و الضحك وpositive energy”.

وكشفت شقيقة المؤثرة، أسماء العمراني أنها تمر بمرحلة صعبة، مبرزة بالقول: “أنا كندوز من واحد مرحلة صعيبة بزاف اول مرة فحياتي و لكن كنتقاتل مع راسي باش مندخلش ف ديبريسيو، بزاف منكوم سيفطولي ميساجات زوينين و كاينين شي وحدين الله يهديهوم و صافي خاصهوم حتى يشوفو الواحد كيبكي عاد يرتاحو، خاصكوم تعرفو واحد الحاجة انا قوية الحمد لله و ربي كيعطيني القوة و الصبر و العائلة ديالي ديما واقفين مع بعضياتنا الحمد لله، كينين ناس منين كنحط شي ستوري كيقولو باز باباك يالله مات، بابا الحبيب ديالي الله يرحمو ميبغيش يشوفني مامزياناش و هو عارفني مريضة و شنو داز عليا
بابا مشى عند الله الي ارحم بيه من اي واحد فهد الدنيا”.

وتابعت “انا ادا بارطاجيت شي حاجة يمكن باش نسمع منكوم كلمة زوينة حيت الله لي عالم لداخل شنو عندي
انا ماشي من الناس لي كيحطو البكا كل واحد ربي لي عالم بيه، الحزن عندي فقلبي و بابا عمرني ماهدي نساه
الله يخليكوم ماتبقاش تاديو الناس بالحضرة الخايبة، قل خيرا او اصمت، انا عارفة راسي شنو كنديو و علاش و كيفاش، كنشكر، كل واخد خدا من وقتو و صيفطلي هضرة زوينة، و الناس الخايبة الله يهديكوم على راسكوم الموت ماكاتعلمش”.

وبخصوص نزع الحجاب، أوضحت العمراني قائلة: “الله يخليكوم حاجة وحداخرة انا حرة فراسي و حياتي ندير لي بغيت كنهضر على الحجاب ما بقيش نبرر و نقولكوم علاش و كيفاش حيدتو و السلام لي كيبغيني كيساندني فاي قرار خيدو حيت هدي حياتي ماشي حياة الناس، انا حرة و انا لي انتحاسب فقبري على افعالي حتى حد ما هادي يتدفن معاي”.



انضم إلينا واحصل على نشراتنا الإخبارية


زر الذهاب إلى الأعلى