نرجس الحلاق: “أنك تضيع فقرايتك حتا هو موت من نوع آخر”
خرجت الفنانة المغربية، نرجس الحلاق عن صمتها لتعلق على معاناة تلاميذ المدارس العمومية، الذين انقطعوا عن دراستهم بسبب الإضراب.
وشاركت نرجس الحلاق تدوينة عبر خاصية القصص القصيرة بحسابها الرسمي على موقع التواصل الاجتماعي “أنستغرام” ، جاء فيها: “كلنا مع أطفال فلسطين اللي كل نهار و التضامن معهم لا يمكن ان يغير لا إتجاه الصواريخ ولا فعاليتها اللهم بردا وسلاما يا رب ولكن ما نساوش أطفال المغرب ولاد الشعب أكثر حاجة ضراني فهاد الفترة هي تلامذة التعليم العمومي الأغلبية ما مسوقش ليهم حشومة بزاف هاد التهاون فحقهم مساكن هاد الأطفال اللي قرايتهم و مستقبلهم ولاو لعبة كبيرة هادو على الأقل اذا هضر كلشي على حقهم ممكن تتبدل شي حاجة ماشي كلشي قادر يقري وليداتو فالتعليم الخصوصي هادو مساكن اللي كيضيعو فحقهم فالتعليم عارهم علامن؟”.
وتابعت المتحدثة ذاتها: “خصكم تعرفو انك تضيع فقرايتك حتا هو موت من نوع أخر وانك تكون لعبة والورقة الأضعف بين المعلم و وزارة التعليم حتا هو موت و انك تكون أم ولا أب كتسنا ولادك يقراو ويخدمو ويهزو راسهم ويبنيو مستقبل زوين حسن من مستقبلك حتا هو عجز كبير خصوصا ان أغلب الناس اللي كيقريو ولادهم فالتعليم العمومي رما كيديروهاش بدافع المبدأ ر غير الفلوس اللي ما كاينينش اما راه كلشي يقري ولادو فالخصوصي قبح الله الفقر وقلة الحيلة”.
وختمت التدوينة برسالة جاء فيها: “كنهضر حيت فاهمة مزيان المطالب ديال التنسيقية الموحدة لهيئة التدريس ومتبعة مزيان الأحداث وكنشوف حتا الوزارة اللي تتجاهل المطالب وكل واحد من الطرفين له ما له وعليه ما عليه هضرت على التلميذ حيت هو الخاسر الأكبر فهاد الروينة وهو العنصر الوحيد اللي ما عندوش وسيلة يضغط بيها لا على الوزارة لا على المعلم ملحوظة: ماشي كاع النساء المشهورات فالسوشل ميديا غبيات كاينة بزاف فاهمين مزيان وما كيهضروش من فراغ والسلام عليكم”.
