صوفيا أولحيان تخرج عن صمتها بعد ضجة “الصورة المعدلة”
ردت اليوتيوبر المغربية، صوفيا أولحيان لأول مرة، على الضجة التي رافقت انتحال زوجها لشخصية شاب آخر، من خلال تعديل صورة تجمع الأخير بولي عهد أبو ظبي.
وشاركت أولحيان تدوينة مع متابعي حسابها الشخصي على موقع التواصل الإجتماعي “إنستغرام”، جاء فيها: “الناس اللي كتسولني على الصورة انا بعيدة كل البعد على الموضوع كاي زوجة راجلها حاط صورته فالبروفايل فالواتساب هزاتها حطاتها عندها فالستوري وكتبات « MISS U BABY |» وبعد دقائق قليلة حذفتها بعدما تشاورت مع راجلي والناس هزوها وشهروا الصورة ورضيتوني اصلا انا كنكذب وقلتوا باللي انا قلت “راجلي رئيس دولة “وتداولتو الموضوع كيف بغيتو وتنمرتو عليا كيف بغيتو واستهزأتو بيا كيف بغيتو وسكت ماقلت والو”.
وتابعت قائلة: “أنا بحالي بحالكم الصورة مكانش فعلمي انها تقدر مفبركة او كترجع لصديق زوجي اللي هو صاحب الصورة الاصلية إلا بعدما حطيتها وحذفتها خرجوني من الموضوع الله يخليكم يكفي أنني حاليا مشغولة غير مع الام ديالي المريضة وانا مغربة ماقادرة ندير والو باركة عليا غير هادشي… مكنلومش الناس اللي كيسبو او حتا اللي كيتشمتوا فيا خوذوا راحتكم ولكن اللي كان ورى هاد الفضيحة عارفة راسها و عارف راسو هما اللي غايخلصو هادشي كامل”.
وتابعت: “القصة غنعاودها ليكم بعدما ياخد ليا القانون حقي فهاد جوج دالناس اللي من نهار تزوجت وهما وراء كل الصور و الكلام اللي تقال عبر القنوات اللي كاطيح مني ومن راجلي باغيين اشتتو ليا داري… بيناتنا العدالة”.
وبعد مطالبة الشاب لها باعتذار رسمي، عادت أولحيان لمشاركة تدوينة جديدة، جاء فيها: “الناس كيصيفطو ليا بان الاخ صاحب الصورة كيطلب مني نعتاذر؟ علاش شنو دخلي انا فالموضوع باش نعتاذر منك؟ علاش انا كنعرفك؟ بيني وبينك شي صلة؟”.
واستطردت: “الموضوع بينك وبين زوجي و الموضوع بيناتكم فكوها بيناتكم لاش مدخليني انا فالموضوع”.
