رشيد الوالي لزوجته: “معك كنحس أني عاشق جديد”
عبر رشيد الوالي عن امتنانه لزوجته ابتسام شكارة، ودعمها المتواصل له في منشور مؤثر شاركه عبر حسابه الرسمي على موقع تبادل الصور انستغرام”.
ونشر الوالي صورة رومانسية تجمعه برفيقة دربه، وعلق عليها قائلا ” عارف هاذ لكلام مغاديش يعجب البعض وعليها كنقول ليهم متكملوش لقراية ديال هاد الشي وآسف.. حيت غادي نشكر زوجتي ، فشكرا ابتسام لأنك كنتي مصرة ودرتي المستحيل باش نلتقي فكوريا ونسافر أيضا لليابان، أنا اللي كنت مشغول بزاف ومرهق من السفر المستمر ديالي لأوروبا، ولكن بالنسبة ليك كان تاريخ النصف من شهر غشت مهم لأنه كيصادف عيد زواجنا، ومشيت وأنا فقط باغي دموعك متنزلش وبغيت نفرحك وخا السفر مرهق عشرون ساعة طيران، ولكني ملي شفتك فرحانة كطفلة صغيرة نسيت كل التعب، ومن بعد رتاحيت نفسيا وبدنيا “.
وتابع الوالي حديثه ” شكرا لأنك كتحلمي بزاف وكتدفعيني بحلمك نعيش حوايج زوينين وكأنني عاشق جديد، ولأن هاذ العشق الجديد كيعاون شعلة العلاقة والمودة والرحمة تبقا مشغولة.. الحمد لله على كل النعم وعلى ابتسامتي زعمة أنت” .
كما قدم الوالي شكره لكل من ساعده في رحلته، والنساء اللواتي ساعدن والدته المريضة، وأبنائه سليم وآدم ، وأضاف ” وقبل منسالي كنخبر كل من شجع ابتسام فالدراسة ديالها انها نجحات فالمادة اللي خداتها فالصين وجابت معدل رائع” .
