رسالة حب من رشيد الوالي لزوجته
وجه الممثل المغربي، رشيد الوالي، رسالة حب لزوجته “إبتسام”، بمناسبة مرور 25 سنة على زواجهما، عبر حسابه الشخصي على موقع التواصل الاجتماعي إنستغرام.
وكتب الوالي في رسالته: “مافيها باس ننشر للمتابعين ديالي أنا وإبتسام هاذ الصورة ديال ضريب الصداق ديالنا، غادي يقول البعض كانو صغار، معلوم وخا غير لبارح ليوم كيمضي على زواجنا خمسة وعشرين سنة، ربع قرن”.
وتابع قائلا: “واش كانت كلها زوينة؟ هذا سؤال صعيب الجواب عليه، حيت حتى علاقة مكتكون ساهلة من الأول، ولكن مع الوقت كلشي كنشوفوه زوين حيت كنقارنوه مع النتيجة.. وبلا حب وصبر ومودة وتفهم الطرفين والتسامح، عمر هاد الشي مكان يمكن يستمر”.
وأضاف: “سؤال آخر واش كون كانت تتعاود غادي نعاود نفس الإختيار.. الجواب هو لا منقدرش حتى نفكر فيها.. حيت كنعتابر أن الله اللي جمعنا وهو اللي ختار ليا ودارها على طريقي ودارني فطريق ابتسام.. حيت كنا مختالفين بزااااف، لهذا اختياري كان غادي يكون مبني على أشياء كتزول مع الوقت.. كنحمد الله على أنه جمعنا وحنن قلب كل واحد على لاخر، لدرجة لحياة بلا ابتسام كانت غادي تكون فشكل آخر.. شكرااا حبي على كل مدرتيه وصبرتيه وزرعتيه باش تستمر علاقتنا وزواجنا واحترامنا لبعضنا”.
واختتم تدوينته قائلا: “سليم وآدم هدية من الله ونتمنى نكون فمستوى الهدية والأمانة اللي بين يدي حتى يوفى الأجل. وأخيرا شكرا لكل من قال كلمة زوينة ولا تشجيع ولا صلح بيناتنا فشي نهار كنا محتاجين ليه فمن لا يشكر الناس لا يشكر الله . كل سنة وانت جميلة ابتسامتي”.
