بكلمات مؤثرة.. دعاء اليحياوي تحكي تأثرها في عملها الجديد وتوجه الشكر لزهيرة صديق
وجهت الفنانة، دعاء اليحياوي رسالة مؤثرة إلى الفنانة، زهيرة صديق، التي قامت بدور الأم في كليبها الجديد “بضاض”، عبر حسابها على “استغرام”.
ونشرت اليحياوي مجموعة من الصور لها مع زهرة صديق وهي تضع رأسها على كتفها وتقبل يدها، وعلقت عليها قائلة “أول شخص جاني فبالي أنه يجسد دور الأم ديالي ( المتوفية ) فل فيديو كليب كان هو الممثلة القديرة والصديقة الغالية زهيرة صديق، علما أنها للمرة الثالثة على التوالي الفنانة زهيرة كتجسد دور الأم ديالي فل الأعمال الفنية.”
وأضافت “ماشي من طبعي اني نتكلم فهاد الموضوع، و من ديما كنبغي نشارك معكم غير الحاجات الإجابية و الزوينة، هاد المشهد بضبط كان صعيب عليا بزاف، اه بكيت فيه من قلبي لأنه من ديما كنتفكر هاد النهار لي جاي واحد نهار و لي غادي نكون فيه عروسة بلا ماتشوفني ماما و لا توقف معيا توجد معيا لعرسي تفرح بيا وتشوف بنتها عروسة” .
وتابعت “الحمد لله تحرمت من كلمت ماما و تحرمت من أجمل حاجة فدنيا لي هي الام، و لكن كنأمن بقوة انه الام ديالي فبلاصة زوينة بزاف و اهم حاجة هي فخورة بيا ،لأي شخص يتيم الام بحالي كنبغي نقولكم ربي معنا ماشي ساهلة، و لأي شخص الام ديالو عايشة تهلاو فيها حيت الأم أعظم كنز فالدنيا”.
كما وجهت الشكر لوالدها وكتبت “شكرا بابا لأنك كنتي معيا فهاد المشهد و درتي اي حاجة باش منحسش بنقص، شكرا الفنانة الغالية زهيرة صديق انك خليتيني نعاود نعيش شوية احساس عندي ماما مرة خرة ، و دموعك غالين .. شكرا للفريق ديالى على الحب و الطاقة الإجابية لي عطيتوني باش نصور هاد المشهد، الله يرحمك ماما ماريا وجميع أموات المسلمين يارب، و الحمد الله “.
