بعد غياب لمدة 5 أشهر.. شيرين تعيد فتح حسابها بـ “تويتر” -صورة
في ظل أزمة “كورونا”، وبعد غياب دام لحوالي 5 أشهر تقريبا، عادت الفنانة المصرية، شيرين عبد الوهاب لـ “السوشل ميديا”، عبر موقع التواصل الاجتماعي”تويتر”.
وكتبت شيرين تغريدة عبر حسابها بـ “تويتر”، قالت فيها: “أنا هنا يا حبايبي وإتبسطت جداً لما في ظل الظروف اللي العالم كله فيها وكل اللي ليه حد بيحبه قلقان وخايف عليه، لقيتكم فاكرينني وبتسألوا عني، أنا عايزة أطمنكم إني بخير الحمد لله وحالي زي حالكم كلكم، قاعدة في بيتي مع عيلتي وبدعي إن الغمة دي تعدي على خير”.
وأضافت شيرين قائلة: “اهتمامكم بالسؤال عليا ده فرحني جداً وإداني طاقة إيجابية كنت محتاجاها في ظروف زي دي، وحمسني جداً وخلاني عايزة افرحكم زي ما فرحتوني و قريب إن شاء الله أشارك معاكم حاجة قريبة جداً لقلبي، ولحد ما ده يحصل عايزاكم تكونوا متطمنين عليا، وتاخدوا بالكم من نفسكم ونفضل كلنا في البيت”.
يشار إلى أن شيرين قررت إغلاق جميع حساباتها عبر مواقع التواصل الاجتماعي، خلال شهر أكتوبر من العام المنصرم، بسبب الهجوم، التي كانت تتعرض له عقب تصريحاتها العفوية في بعض حفلاتها.
