الفنان السعدني يكشف تفاصيل خلافه مع زينة
انتشر خبر انسحاب الممثل المصري، أحمد السعدني من مسلسل ” كله بالحب”، بسبب وقوع خلافات بينه وبين بطلة العمل، زينة، وصلت إلى حد المشادات الكلامية، وهو ما دفع الأول إلى انسحابه من العمل رغم ظهوره في البوسترات والإعلان الدعائي.
وتطرق السعدني اليوم الخميس، لتفاصيل وكواليس الخلاف من خلال تدوينة عبر حسابه الشخصي على موقع التواصل الاجتماعي فايسبوك، كتب فيها: “بسم الله الرحمن الرحيم.. الحقيقة انا عمري ما عملت مشكله في شغلي و عمري ما اختلفت مع زمايلي انما انا اللي بيحصل معايا في المسلسل اللي شغال فيه ٢٤ ساعه مبروحش بيتنا عشان يلحق العرض و الواحد ساكت و بيعدي بلاوي عشان الزنقة و الظروف”.
وأضاف: “انا متربي في ستوديوهات كبرنا انا و اللي زيي اللي كان بيتقال عليهم ابناء الفنانين كانها شتيمة علي احترام مهنتنا مواعيدنا و مذاكرتنا و تحضيرنا للشغل احترامنا للكلمه قبل العقد للاسف شركة الانتاج ملتزمتش معايا باتفاقهم اللي علي اساسه وافقت اشتغل و كان شرط اساسي لقبولي الشغل معاهم و الحقيقه اول مره اشوف تصميم دعايه عمل فني من افيشات و برومو بتعمله زميله في العمل طول عمري كنت فاكرها من اختصاص شركة الانتاج الحقيقه”.
واختتم كلامه بقوله: “انا ضهري في الحيط اكمل و اقبل بالعبث ده عشان باقي الزملا الفنانين والفنيين المشاركين في العمل اللي ملهمش ذنب و الا اقعد في بيتنا واكتفي باللي صورته و اطلب من النقابه تجيبلي حقوقي الماديه و في كل الاحوال انا بعتذر لاي شخص بيحبني عن تواجدي في هذا العمل لان الحقيقة اللي بيحصل ده مهزلة”.
