العوضي يكشف سبب طلب ياسمين عبد العزيز للطلاق
أكد الفنان المصري، أحمد العوضي، أن زوجته الممثلة، ياسمين عبد العزيز، تغار عليه كثيرا وحكى عن عدة وقائع حدثت بينهما.
وقال العوضي خلال لقائه في برنامج “معكم” تقديم الإعلامية منى الشاذلي، المذاع على قناة CbC: “ده لمسته منها لما جت مرة عندنا في البيت عند والدى، والأباجورة خبطتها في كتفها وهى قاعدة فبتقولى ايه ده فبقولى دى “دولت” أنا مسميها كده وعزيزة عليا، فراحت مسكاها ورمتها فى الأرض مكسراها”.
وأضاف العوضي: “في مرة كنت قاعد وشافتني باكل الحمامة بعضمها، وهى حسستني اني باكل بنى ادم واتخانقت معايا ازاى أكلها بالشكل ده وقالت: انت يتخاف منك”.
وتابع: “بعدها بـ 3 أيام لقيتنى باكل الكبدة نية ودي عادة فيا ومتعود أكلها بدمها، وهي كانت لسه صاحية الساعة 10 الصبح، ولما شافتني بتقولي ده جيلي ولا ايه فقلتلها لا دي كبدة نية ومتزعقيش، فقالتلي انت بتاكل دم وحاولت اشرحلها وقالت أنت هاتطلقني لما أنت بتاكل كبدة نية هتعمل فيا ايه؟”.
وأرسلت النجمة ياسمين عبد العزيز سؤالا لزوجها الفنان أحمد العوضي عن أكثر شيء يحبها فيها والأشياء التي لا يحبها وما الذى يضايقه منها، وجاوب العوضي قائلا: “أكتر حاجة بحبها فيها انها حنينة وجدعة وفي ضهرى، ومفيش حاجة مبحبهاش فيها ، وأكتر حاجة بتضايقني منها التطويل في الخناقة بينا انا بحب الموضوع يخلص في كلمة ونص”.
وشارك أحمد العوضي في أحدث أعماله من خلال مسلسل “شديد الخطورة”، الذي يعرض على منصة watch it، ويتناول قضية الهاكرز وخطورتهم على الأمن القومي واستخدامهم بشكل كبير في ضرب مؤسسات الدولة.
