اتهامات بالسرقة تلاحق الشاب خالد -صورة
وقع الفنان الجزائي، الشاب خالد، في موقع محرج، بسبب أغنية حديثة تم إصداها مؤخرا، بجانب النجم المصري، محمد منير، ومطرب راب، وهي تندرج ضمن حملة إعلانية خاصة بأحد البنوك المصرية.
وكشف الموسيقار محمد رحيم، عبر حسابه الشخثي بموقع “فيسبوك”، تعرضه للسرقة من طرف صناع أغنية “علشان نفهم بعض”، والتي يقدمها الشاب خال ومحمد منير وارابور أمير عيد.
وأعلن محمد رحين، عزمه مقاضاة صناع الأغنية، وكتب:”وكالعادة وزي مانا متعود كل سنه الاقي في رمضان لحن من الحاني نازل في أحد الإعلانات أو المسلسلات بدون استئذان أو تصريح مني أو من الشاعر والمرة دي الضرر كبير جدا لأنه تم سرقه لحني ووضعه في واحد من أكبر الحملات الدعائية واللى بيغنيه قطبين كبيرين من اقطاب الأغنية العربية الفنان محمد منير والشاب خالد”.
وأضاف:”والغريبة ان النحت والاستخفاف بحقوق المؤلف والملحن خلى القائمين على العمل يقنعوا الشاب خالد يغني جمله اللحن اللي كنت عاملها للمطرب الكبير المنافس له (الشاب مامي) من سنه 2007 يعني من 15 سنه بدون الرجوع ليا ولا لورثه الشاعر عبد العزيز عمار شاعر الاغنية الاصلية الله يرحمه.
وتابع محمد:”ازاي انتوا مستخفين بالقضاء والقوانين كده؟؟ وازاي انتوا ناس مجردين من المهنية ومش بتحترموا ولا الجمهور ولا الزملاء ؟؟ وازاي انتوا بتسرقوا الأعمال في وضح النهار ليستفيد بنك من بنوك الدولة مستخفين بحكومة نفس الدولة وكأنكوا واثقين ان مفيش حد هيعملكوا حاجه ولا حد هيعاقب اللى سرق واعتدى والله العظيم حرام مجهود السنين يترمي على الارض كده قدام عين الواحد وهو حي يرزق ايه الاستخفاف والاستهانه دي بالبلد وبقوانينها وقضائها !!!؟؟؟؟
واستنكر قائلا:”كنتوا هتخسروا أيه لما تفهموا بتوع بنك القاهره ان انتوا مستعملين ألحان من ناس مختلفة والالحان دي ليها أصحاب وكنتوا تواصلتوا بشكل محترف ومحترم علشان تحصل على تصريح قانوني باستعمال اللحن وتعفي نفسك من السرقة يا فنان ويا جهة الانتاج وتعفي اداره البنك من تهمه التعدي على أعمال الناس بالعكس كان هيبقى سلوك محترم واحترافي واخلاقي!!”.
