نفت الإعلامية، رضوى الشربيني خلال تقديمها برنامج “هي وبس” الذي يعرض عبر قناة “سي بي سي”، لجوءها لعملية نفخ الشفاه التجميلية، موضحة أنها تتبع وصفة خاصة بها للحصول على المظهر المطلوب للشفاه.

وقالت رضوي “كذا حد بعت للبرنامج يسأل رضوى إنتي نفختي شفايفك فين، فقررنا نعمل حاجة جديدة وأنا طالعة من غير روج”.

وأعلنت رضوى الشربيني عن سر وصفتها لنفخ الشفايف فقالت “قبل ما أطلع على الهوا، أو خلال اليوم لو خارجة مع صحابي، عاملة خلطة مكونة من قرفة وشطة وفازلين طبي وزيت لوز حلو، وفي ناس بتحط على الخلطة دي جنزبيل”.

وأوضحت رضوى فوائد الوصفة أثناء تطبيقها لها أمام الكاميرا فقالت “ااخلطة أولا بتلون الشفايف وترفعها، ولو تقدري تستحملي الشطة ممكن تاخدي شفايف أنجلينا جولي”.

وأعلنت رضوى عن الآثار المضرة للوصفة فقالت “هتلاقي شفايفك اتلهبت من الشطة، ولازم تجربيها عشان لو عندك حساسية منها أو من أي مكونات في الخلطة ماتعملش تورمات أو تترك علامات”.