حسام حبيب يدافع عن شيرين عبد الوهاب رغم طلاقهما
لم يتردد الفنان، حسام حبيب، في الدفاع عن شيرين عبدالوهاب، رغم طلاقهما، بسبب الأزمة التي أثيرت على خلفية تصريحها خلال حفلها بالكويت، حين قالت: “يلا نقرأ الفاتحة لمحمد رحيم، خلينا نعمل سيئة جارية”، رغم تداركها الأمر، واعتذارها على الفور.
وكتب حسام حبيب على حسابه في “إنستغرام”: “بجد، هو في كده أخ أثناء موت أخوه؟ دمه ما بردش، بيقولك أحنا من عادتنا في الظروف دي ما نتفرجش على حاجة، وهو داير على كل البرامج حاجة غريبة وسايب كل ده وماسك في زلة لسان. ماسمعش وماخدش باله أنها كرمته وافتخرت بشغله معاها وطلبت من الآلاف الحضور وملايين المشاهدين قراءة الفاتحة والدعاء له. كلنا عملنا كده علشان هي فكرتنا. يا راجل، انت ما عملتهاش ومسك في غلطة غير مقصودة واعتذرت عنها في وقتها. هو فيه كده؟”
وأضاف حبيب: “عاوز أسألك سؤال: طلعت في كام برنامج وكام مداخلة من ساعة الوفاة؟ وهل كانت مدفوعة الأجر ولا بدون؟ وأخيراً، ممكن نشوف شهادة الدكتوراه؟ ولو حضرتك مش عاوز تجاوب، أنت أكيد حر. في حالة عدم الجواب، الكل هايفهم.”
وأكد: “حابب أقول للناس اللي دايماً بيفترضوا سوء النية وعندهم نظرية المؤامرة، أن اللي يقول الحق يبقى منتفع. أنا مش بدافع عن حد، أنا حتى عمري ما دافعت عن نفسي مع إني قادر أعمل كده. بس أنا دايماً بختار السكوت فيما يخصني وبتوكل على الله. أنا بدافع عن الحق من وجهة نظري. واللي مش عاجبه عارف يروح يشرب من فين”.
كما دافع تامر حسني عن شيرين عبد الوهاب، حيث كتب: “واثق إنها زلة لسان من شيرين لأنها من أكتر الناس اللي بتحب محمد رحيم الله يرحمه، ومن أكتر الناس اللي عارفة قيمته لأنها فنانة كبيرة. بالإضافة إلى أنها اعتذرت على المسرح في وقتها، ونيتها كانت تكريم وطلبت الفاتحة من الجمهور.”
