بسبب “المكتوب”.. إبتسام العروسي تخرج عن صمتها وتستعين بمجموعة فايسبوكية
شاركت الفنانة المغربية، إبتسام العروسي تدوينة عبر مجموعة فايسبوكية، تنفي من خلالها تعويض مواطنتها الممثلة، مريم الزعيمي في الجزء الثاني منمسلسل “المكتوب”.
وسردت العروسي في منشورها عبر مجموعة “المافيا المغربية”، تفاصيل رحلتها نحو النجومية والتي كانت مليئة بالعراقيل والمطبات، وكتبت: “أول مرة غادي نحسم شي قضية واخا مكنهدرش دخلت هاد لكروب حيث حبيتو وأنا فيه من زمان، شفت منكم كل الخير.. أولا أنا ماغاديش نمثل فالمكتوب دور ديال مريم لهي صديقة وزميلة وممثلة غزالة، ولكل واحد رزقو”.
وأضافت: “ثانيا أنا في الميدان من 2009 درت أحلام نسیم، مسلسل مينة شهادة حياة كنزة في الدوار، نايضة في الدوار فلم عمي، رضاة الواليدة، مستر سانسور وزيد وزيد جيت من خريبكة ثقاتلت، كنت كنبدل حوايجي في لقهاوي ونرجع مع 12 ليل محطة ولاد زیان وطاكسيات بيضين وبزاف لحوايج وتكرفيس ماشي بحال دابا ساهلة جمع فولورز وزيد، متزوجت حتال 2017 ومعمرو دار شي مسلسل راجلي مخرج برامج وبالعكس مرات المخرج منبودة حيث حتى مخرج
آخر ميبغي سيناريو وطريقة الاشتغال ديالو يعرفها واحد آخر”.
وتابعت قائلة: “راجلي كيدعمني معنويا ولو تعرفو الاجتهاد ديالي وعفويتي وطيبتي غادي تعرفو علاش كنخدم لان راسي صغير حيث هاد شي كنبغيه ودمرت عليه وكندمر عليه بحال اي مرأة معاونة مع راجلها على دوایر زمان وعندها وليد والله يسهل على كل الانسان وكل وحدة فيكم ولو تعرفو ما وراء الابتسامة والصور لتغيرات بزاف لحوايج وهادي لقليل لي غادي يفهمها وشكرا”.
