شيرين عبد الوهاب تصدم جمهورها
شنت النجمة المصرية، شيرين عبد الوهاب حربا شرسة ضد طليقها الفنان، حسام حبيب خلال مداخلة هاتفية مع الإعلامية، لميس الحديدي، في برنامج “كلمة أخيرة،”.
وصدمت عبد الوهاب الجميع، بعدما أكدت أنها تعرضت للضرب والسب والقذق والسرقة من طرف حسام حبيب وصرحت قائلة: “حسام حبيب طلب 10 % من أرباح شغلي.. أنا اتجوز قرد ومارجعش ليه تاني.. ومش عايز أعرف حد اسمه حسام تاني”.
وأضافت: “أنا استاهل الضرب عشان طلعت قلت ما بيخدش مني فلوس.. أنا أسفة للناس عشان كدبت عليكوا، وهتعب عشان أرجع تاني شيرين اللي ضيعتها.. وعلاقتي بحسام عمرها ما كانت حب”.
وتابعت قائلة: “أنا ست كنت عايشة مش راجل ولا بيتشغل ولا بيشوف أهله ولا صحابه.. مكنش بيعمل أي حاجة غير حب الامتلاك.. فضلت أدافع علشان الحب ده ينجح وأنا خدامة الراجل اللي بعيش معاه.. لقيت نفسي بتدمر وشغلي اللي كان المفروض يخلصه لي كله كان متعطل”.
واسترسلت: “إنسان مودي جدا.. أقسم بالله العظيم خسرني كل الناس.. خسرني أبويا وأمي وأختي وصحابي والسواق والشغالة.. كان فاكر الكل متآمر عليه.. لدرجة إنه حسسني إن الدنيا تآمرت إننا منبقاش مع بعض.. صدقته مع إن الحقيقة مش كده”.
وأكملت: “لازم يتعالج نفسيا لإنه عنده حب امتلاك.. وعنده ابتزاز من كل شيء.. لو غنيت أو عملت فرح ناجح كان بينكد عليا.. يقولي إنتي كنتي ماسكة الولد كده ليه وليه حاضناه كده رغم إنه قد ابني”.
وذكرت شيرين عبد الوهاب: “لما عملت إعلان كويس جدا (لأحد البنوك) نكد عليا”.
