الموت يحزن قلب شقيقة دنيا بطمة -صورة
عبرت الفنانة المغربية، إيمان بطمة، عن حزنها الشديد، عقب وفاة قطها “نيو”، معلنة عن خبر وفاته عبر حسابها الخاص بموقع تبادل الصور والفيديوهات “انستغرام” بكلمات مؤثرة.
ونشرت إيمان بطمة، صورة قطها المتوفي، عبر حسابها بموقع “انستغرام” وأرفقته بتدوينة مطولة تكشف من خلالها مشاعر الحزن والألم التي تعيشها بسبب فقدان قطها، الذي كان أفضل صديق بالنسبة لها، على حد تعبيرها.
وكتبت بطمة: “أخيب إحساس مدمر هو أنك تفقد شي حاجه عزيزة على قلبك و قدام عينيك!! 18-07-2022 أقبح ليلة بالنسبة ليا، ماكنتش متوقعه ولا دايرة حساب موت Neo قدام عيني في رمشة وحده منبغيكمش تجربوا هاد الاحساس نهائيا صعيب صعيب بزاف”.
وتابعت: “كان اقرب صديق ليا واخا فترة قصيرة لي ربيتو ماقادراش نتيق ولا نستوعب موت ديالو، كان احسن ليا من الف صديق بشري لي كينكرو الخير و يطعنوك ورا ظهرك و المنافقين!!!! و أعدى قوم عندي هم ديك الفئة العنصرية الجااااااااهلة لي مكتخليش حتى الحيوان في سلام و ضربوا و تلعنوا و تسبوا بسبب أنه اللون ديالو أسود!!!! فين را غاديا بهاد الجهل؟؟ الحيوان روحوا نظيفة و محتاج العطف و الحنان منك انت كبشري لي ربي عطاك عقل تخدموا و قلب يكون رحيم على غيرك سواء بشر او حيوان يا رب الصبر”.
وختمت الشقيقة الصغرى للفنانة، دنيا بطمة، حديثها بالقول: “لي غادي يقوليا بالغتي غنقوليه منتمناش ليك هاد الاحساس و الا جاب الله و حسيتيه تمنى مايجيش شي واحد ماكيفهمش في الرحمه و العطف و كايدخل في ما لا يعنيه و يقولك انك بالغتي”.
