أمير كرارة يكشف حقيقة خلافه مع محمد رمضان
كشف الفنان، أمير كرارة خلال حوار له ببرنامج “حبر سري”، على قناة “القاهرة والناس”، حقيقة خلافه مع الفنان، محمد رمضان.
وأكد كرارة عدم وجود مشاكل بينه وبين محمد رمضان، قائلا: “عمري ما حصل لى مشكلة مع محمد رمضان وبحبه جدا، وهو عمل معايا موقف خلاني أحبه أكثر من الأول وكان مع ابني سليم واللي بيعمل حاجة كويسة مع ابني سليم بشيله فوق رأسي”.
وذكر الفنان ذاته، الموقف الذي حدث بين محمد رمضان وابنه سليم، قائلا: “السنة اللي فاتت سليم ابني راح لمحمد رمضان بيته فى الساحل وراح عند الحارس بره وقاله انه سليم امير كرارة وبلغ محمد رمضان، والحارس قال لمحمد رمضان واستقبله بشكل ممتاز وسليم كان راجع مبسوط جدا وكنت مبسوط من رد فعله”.
وقال أمير كرارة، إنه يعمل في المجال الفني والاعلامي منذ 20 عاما، وكان يشارك في البرامج مقابل 50 جنيه، قائلا: “مفيش حاجة اسمها حظ ولكن في توفيق من عند ربنا، وأنا عملت برامج وكسرت الدنيا في كل قنوات ولكن أنا بحب ابقى فنان محترم واعمل كل حاجة”.
وأضاف: “بقالي في الشغلة دي 20 سنة وجربت كل حاجة وبدأت الشغلة دي وبطلع أسقف في البرامج بـ50 جنيه، وكنت بطلع في برامج زي برنامج للإعلامي الكبير عمرو أديب اسمه سواريه وكنت بأخذ 50 جنيه”.
وتابع: “كان عندي بدلة وواحد صاحبي عنده بدلة، وكنا نستبدل البدل مع بعض في الحلقات عشان نأخذ 100 جنيه، وجربت البرامج والسينما والتلفزيون ومشاهد صغيرة جدا وأدوار صامتة، واشتغلت على نفسي وفخور باللي وصلت له”.
